كـل مصطلح طبي وله معنى آ

الإثنين يناير 21, 2013 5:22 am

كل مصطلح طبي وله معنى

لما الدكتور يقول الموضوع ده ما يستناش لازم
نتصرف فيه فورا يبقى قصده لازم نلحق نعمل عليك شغل لأن لو استنينا هو
هيخف لوحده وتضيع علينا الفرصة!!

***

لما الدكتور يقول ايه تاريخك المرضى؟!!

يبقى قصده عايز يعرف أسامى الدكاترة اللى كنت بتتعامل معاهم علشان يعرف انت دفيع ولا.....!!!!

***

لما الدكتور يقول استعمل الدواء ده وعدى
عليا بعد بكرة يبقى قصده ده دواء لا بينفع ولا يضر تعالى لى بعد يومين أكون
سألت حد بيفهم!!

***

لما الدكتور يقول أشوفك بعد عشرة أيام يبقى
قصده علشان تدفع كشف جديد انت مش قرأت اليافطة وانت داخل مكتوب عليها
"الاستشارة فى خلال أسبوع من الكشف"!!

***

لما الدكتور يقول فى عندى خبر وحش وخبر كويس:
عندك مرض خطير بس لو مضيعناش وقت ممكن نعالجه
يبقى قصده الخبر الكويس انى أخيرا هشترى عربية مرسيدس
والخبر الوحش انك هتدفع تمنها!!

***

لما الدكتور يقول احنا حنتابع تطورات الحا
له أسبوع كمان قبل ما نقدم علىأى اجراء يبقى قصده الصبر طيب يمكن البلوة
دى تتحول لحاجة نعرف لها علاج!!

***

لما الدكتور يقول انت محتاج تعمل شوية تحاليل يبقى قصده من الآخر أنا مش عارف انت عندك ايه يمكن الواد بتاع المعمل يعرف ينورنى!!

***

لما الدكتور يقول اعمل التحاليل فى المعمل ده أنا بثق في النتائج بتاعتهم يبقى قصده بيدفعولى عمولة 40% من تمن التحاليل!!

***

لما الدكتور يقول أنا هحولك على أخصائى يشوف حالتك أحسن منى يبقى قصده انت صحتك زى الفل بس الراجل ده مزنوق فى قرشين وواجب ننفعه!!

***

لما الدكتور يقول أنا راح اوصفلك دواء جديد ممتاز يبقى قصده بيجرب فيك الدواء ده أنا محتاج حالات أعمل عليها البحث بتاع الترقية!!

***

لما الدكتور يقول صحتك زى الفل يبقى قصده حاجة تزعل فعلا يعنى حدفع القسط بتاع الفيلا منين ياربى!!

***

لما الدكتور يقول اذا الأعراض دى ما اختفتش
خلال اسبوع عدى عليا تانى يبقى قصده الحالة بتاعتك مقرفة قوى لحسن الحظ
أنا الأسبوع الجاى مسافر فى مؤتمر برة!!

***

لما الدكتور يقول المضاد الحيوى ده ممتاز
جدا مع انه غالى شوية سيبك من البديل الرخيص بتاع زمان بقى غير فعال يبقى
قصده مندوب المبيعات بتاع الشركة لسة خارج من عندى ومدينى شنطة دعاية جلد
تجنن !!

********

احترامي وتقديري لكل الأطباء

تمنياتي للجميع بدوام الصحة والعافية